شلونكم ياالغاليات...اليوم يبتلكم أكله ..لذيذه..وشهيه..ومغذيه..هاشرايكم...نبدي نحضرها ونطبخها
يلا قولوا معاي
بسم الله الرحمن الرحيم
المقادير:
لحم مفروم (1/2 كيلو )
بطاط مسلوق (3 حبات كبار)
زهرة مقطعة ومقلية (كوبين تقريبا)
بيديان مقطع مكعبات ومقلي (كوبين )
نعناع مقطع ( شدة كاملة)
بقدونس مفرووم (شدة و1/2 )
حليب سائل (1/4 قلاص)
كريمه حامضة (3 قفاش اكل)
مايونيز (3 قفاش)
كريمه سائله (4 قفاش)
بصل وثوم وبهارات
الطريقة:
اول شي نغسل اللحم ونخليه على النار لين ينشف مايه...
بعدين نحمسه مع البصل والثووم والبهارات ونحط معاه مكعب ماجي
عقب مانسلق البطاط نحط علية شوية بقدونس و1/4 قلاص حليب وفلفل اسود وملح وشوية مايونيز
نهرس البطاط عدل مدل وبعدين نكوره ونحطه بالفريزر
نخلط مقدار الكريمات والمايونيز
وهذي عقب ماخلطناهم
بعدين نصف اللحم المفروم بالبايركس
وعقب نحط علية 1/2 مقدار الصلصة
بعدين القدونس والنعناع
نحط عليه الزهرة والبيديان المقلي
عقب نحط مقدار الكريمه الي بقى عندنا نحط كور البطاط ونصب عليه 1/2 كريمه سائله وندخله الفرن
بالعافية على قلوبكم
وسلامتكم
الجمعة يوليو 25, 2008 2:45 pm
