ليش ما ترددين تحية العلم ؟ أبلة حلقي تعورني . >> ومن الجهة الثانية صوتها و سوالفها واصل لآخر صف ...
ليش تسولفين بدل ما تستفيدي من الإذاعة ؟ أبلة مو انا بس كل الصف ..بعدين الإذاعة مكررة هي وفقرة هل تعلم السخيفة ليش كل هذا المكياج ؟ أبلة امس كان عرس ولد عمي للفجر .ومالقيت وقت عشان أشيله ....!!
و طبعا في بنت رقيقة تصيح .. وفي بنت دفشة بكرة تجيب القبيلة كلها تشتكي
وما ننسى حركة التنقلات المستمرة .. مثلاً فلانه الدبة لما كانت بالثانوية كل يوم تتنقل طابور غير حتى يمكن طابورها ما تدلة. نمر للبنات اللي مبققات عيونهم على الأبلوات ... وين أبله سيتوبلازم ؟مواقفة جنب العمود أكيد غايبة اوكي الحصة الأولى فاضيين . يا سلااااااام
وين أبله"قد اعذر من انذر ؟ هذي عندها مناعة طبيعية ماتمرض عشان تغيب هي و ربيعتها نو بودي...
شوفوا معلمة عطيات تنورتها تحفة .. خيالية.. آخر موضة .....من وين اشترتها ؟ عاد معلمة دراكولا مشترية دمعة بدل أرنوبها القديم وتتكلم مع زوجها في الطابور لتضمن أكبر عدد من الناس شافوها ..تنزل اعلان بالجريدة يكون أحسن .
والحين قبل لا نخلص نشوف سوالف الدلوعات :
أمس رحت عرس جيراننا لبست فستاني الجديد الكشخة التركواز والا****************سوارات اللي توني مشتريتهم من كليرز وصندل فرساتشي اللي اشترالي إياه أخوي من لندن هه.. وكل الناس تشوف علي كاني انا العروسة ونخلص بالبنات اللي اختصاصهم الحش :
شفتي فلانة امس فاتحة شعرها كنه خرطوم حريق. ولا علانة اللي كانت عايشة في ماليزيا اليوم جايه بقميص صوف والحرار 40 درجة غبية وحدة . ولا مجموعة شغالات الصف " هذيلا اللي يلمون الدفاتر و يجيبون المسجل أو اللوحة للأبلة " الصباح لقيتهم ينظفو السبورة .. والله ينرحمون .
عاد معلمة دراكولا مشترية دمعة بدل أرنوبها القديم وتتكلم مع زوجها في الطابور لتضمن أكبر عدد من الناس شافوها ..تنزل اعلان بالجريدة يكون أحسن .
و في النهاية تجي معلمة قلم ماشي و تقول : وين انتوا في سوق سمك ؟ وحنا نقوم نضحك كالعادة ...
السبت فبراير 21, 2009 8:06 am